چ بێ شه‌رمانه ته‌مه‌ن دەچرژێنێ

                                   شۆخی مناڵ

                                   له سووچی نیگا

                                    تەزووی مەوداش ،

                                                      ڕەهێڵە پەتێکە

                                                                   پلاسمای بڕانەوە و

فەلسەفەی مانەوەی هەتاو له نزیکترین درووشمەکانی دیواری ئەم کۆڵانە

{ سرنج بدەن ........ سرنج بدەن ! }

     [ مەنتیقەی قەدەغە ! ]

       {مەترسی مەرگ !!!}

              دەزانین سەنگەر بگرین لێک

               قسەکانمان ڕیز کەین

               له دوو جیبهەی برانبەر و

               عادەتیشمان هەبێ پێک !

له قەرەباڵغی شەقامەکانی که سەربازخانەن و

ئاماده باش ، هەرێمی سێبەریش ناپارێزن

فەوارەی دەکەن چەک و پۆتین

                       له ئاسانەی حوزه‌یرانی زەمان

                       له پشت چرکه‌کانی ڕۆژنامەوانانی ڕیز بوو

بەر لەوەی لێک تێبگەن !

تاکسیەکانیش سنووری ئەو بەری شەقام دیاری دەکەن

له ڕوو گرتنی بێ ڕەوشتی پاوانکاری و

چرینی بێ بڕانەوەی سیگناڵەکانیان

لەم کۆڵانە ، کە من نازانم لەوێ دەست و قاچ مانای چییه

بزەی پۆلیس ئاوسه ئاوس

به گریانی ژنانێک که تاقیگەی زەیستانی گوومانن

چەکەکانی کە شێعر ئەنووسن و

پۆتین لە ڕه‌گه‌زی وین

ئیزن نادەن لێک تێبگەین !!!

له نێوان سنووری شاعیرانی ئەم شەقامه ...

ئەم کۆڵانە ...

                      هەر دەبێ عادەتمان هەبێ پێک !!!

 

 

نوشته شده در ساعت توسط هه‌رمان وه‌تمانی| |