ـــ چ ده‌نووسی  { من } ؟!

+  " که‌سێک ده‌یویست کراست له‌به‌ر دادڕێ " !

    " قه‌ره‌چیه‌کان پێده‌که‌نن به سنوور " !

    " ژنی دراوسی دیهه‌ویست مێرده‌که‌ی له به‌رخۆی به‌رێ " ؟

ـــ له هه‌ڵه دای ... { خۆم }

+ له نێوان قشقه‌ڵه و کۆتر یه‌کیان ده‌گمێنن ...

ـــ شتێک بنووسه { من}

+ ئاخ ... شتێک بنووسێ {خۆم }

ـــ بنووسه ...

                  تاکوو با بیانکات به به‌رخوێنی به‌ندیخانه‌کانی نێوان من و خۆم

                 با له ژێر چه‌قه‌ره‌ی ئه‌م جووڵه‌یه‌، قامکه‌کان شه‌رمه‌زاری بێ ده‌نگی من نه‌بن !

+ " که‌سێک ده‌یویست کراست له‌به‌ر دادڕێ " ؟

ـــ گێره‌ت له هه‌ولێر ده‌گه‌ڕێ ! { من}

+ سنوور به‌ستراوه ! {خۆم }

 ـــ چووزانم له میاندواو ده‌گه‌ڕێ { من} !!!

+ " قه‌ره‌چیه‌کان پێده‌که‌نن به سنوور " ؟

ـــ 1 . به یه‌قین بزانه ئه‌مه شێعر نییه ،

   2. قه‌ره‌چی و سنوور له یه‌ک دێڕدا ناگونجێن،

   3. چ ده‌گا به کۆتر و قشقه‌ڵه ئه‌وه‌ی بفڕێ به جۆرێک ده‌گمێنێ !

+ ده‌گمێنێ من ...

                       خۆم ده‌گمێنم ...

                                     من ده‌گمێنم ...

ده‌مانگمێنن ... ده‌گمێنینه‌وه ...  ده‌مانگماند ... ده‌گمێنین ...

ئه‌وه چیه له ده‌ماره‌کاندا جووڵه‌ی ده‌کا {خۆم } ؟

ـــ گوێی مه‌ده‌یه [ ڕه‌گی غیره‌ت ] درێژه بده {من}  ...

+ " له ئه‌نجامی هێرشه خۆکوژیه‌که‌ی ژنه جیران ، داهاتووی چوار مناڵی قوڕ به سه‌ر قوربانی کرا ،

+ گێره‌ی له هه‌و... [ ببورن] میاندواو ده‌گه‌ڕی من ...

" قه‌ره‌چی به‌خته‌وه‌ره

                          [ سنوور ناناسێ ]

ـــ هیچ نانووسم {خۆم } ...

+ من ...  ده‌گمێنم ...

   " دراوسێ غه‌می بۆ ده‌خۆم من "

ـــ سنوور به‌ستراوه ....

+ " که‌سێک ده‌یویست کراست له‌به‌ر دادڕێ { خۆم } " ؟!

ـــ خۆم ده‌گمێنێ {من }...

+ من ده‌گمێنم {خۆم }....

 

نوشته شده در ساعت توسط هه‌رمان وه‌تمانی| |